Árligar samrøður 2025/26

Árligur samrøðurnar ella sum vit onkuntíð hava kallað tað “kaffiprát” verða eftir sama leisti sum í fjør í januar/februar mánaði 2026.

Endamálið við hesum er at styrkja sambandið millum starvsfólk og leiðslu, og at geva rúm fyri at samskifta í friði og náðum.

Møguleiki er at framseta ynski, gera viðmerkingar um ávís evni, vísa á øki, ið krevja broytingar, koma við uppskotum til átøk, tosa um trivnað og motivatión ella bara aqt bera tað fram, sum liggur tykkum á hjarta – einki ov lítið ella ov stórt.

Vit hava sett ein hálvan tíma av til hvønn lærara, men um tørvur er á at brúka meiri tíð, verður ein uppfylgjandi samrøða ásett.

Vegleiðing 

Eins og í fjør velja tit sjálvi dag og tíð, tá tað liggur best fyri hjá tykkum at møta. 

Møguleiki er at velja millum týsdag, mikudag og hósdag og tíðirnar eru kl. 10.00, kl. 10.30 og kl. 11.00.

Tit melda til við at:

1)        Trýst á niðanfyristandandi leinki

2)        Skriva tykkara navn

3)        Velja ein tíð úr dropdown-listanum

Tá tit hava meldað til, verður dagur/tíð sett inn í tykkara tímatalvu í SpeedAdmin.