Stella Polaris

Her ber til at kunna seg um Stella Polaris - klassisku kappingina.

Stella Polaris er ein tónleikakapping fyri ungar klassiskar tónleikarar. Kappingin varð fyrstu ferð hildin í 2014.

Endamálið er at geva ungum tónleikarum møguleika at menna seg, royna seg og vísa sínar tónlistarligu førleikar. Samstundis vil Stella Polaris varpa ljós á klassiskan tónleik og geva íkast til føroyskt tónleika- og mentanarlív.

Stella Polaris 2027 verður 25.–27. februar 2027.

Tónleikarar sum hava tilknýti* til Føroyar, kunnu melda seg til kappingina. Tónleikarar mugu ikki vera fyltir 25 ár, tá kappingin verður hildin.
 Kappast verður í fýra aldursbólkum:

  • Aldursbólkinum til og við 11 ár (luttakarar mugu ikki verða fyltir 12 ár, tá kappingin verður hildin)
  • Aldursbólkinum 12 til og við 15 ár (luttakarar mugu ikki verða fyltir 16 ár, tá kappingin verður hildin)
  • Aldursbólkinum 16 til og við 19 ár (luttakarar mugu ikki verða fyltir 20 ár, tá kappingin verður hildin)
  • Aldursbólkinum 20 til og við 24 ár (luttakarar mugu ikki verða fyltir 25 ár, tá kappingin verður hildin)

* Orðingin, at luttakari skal hava “tilknýti til Føroya” skal skiljast soleiðis, at luttakari antin skal vera búsitandi í Føroyum ella, um búsitandi uttanlands, hava føroyskt familju tilknýti, tvs at í  minsta lagi annað foreldri er føroyskt.

Eru ivamál, tekur Musikkskúlanevndin støðu í hvørjum einstøkum føri.



Luttakararnir spæla eitt ella fleiri stykki, sum sýna teknisku og musikalsku førleikar luttakarans. Stykkini kunnu vera ólík í lyndi, og vera frá fleiri ymsum tíðarskeiðum. 

  • Í aldursbólkinum til og við 11 ár framførir hvør luttakari tónleik, sum í mesta lagi kann vera 5 minuttir til longdar.
  • Í aldursbólkinum til og við 15 ár framførir hvør luttakari tónleik, sum í mesta lagi kann vera 7 minuttir til longdar.
  • Í aldursbólkinum til og við 19 ár framførir hvør luttakari tónleik, sum er 7 -10 minuttir til longdar.
  • Í aldursbólkinum til og við 24 ár framførir hvør luttakari tónleik, sum er 12-15 minuttir til longdar. 

Tað stendur til tann einstaka luttakaran, um hon/hann velur at spæla við nótum ella ei.

Les meira og melda til

 

Verður kunngjørt seinni.

Dómsnevndin hevur fimm limir: ein uttanveltaðan formann, eitt umboð fyri Føroya Symfoniorkestur, eitt umboð fyri áhoyrarar, eitt umboð fyri Tórshavnar Musikkskúla og eitt umboð fyri tónleikagreinina í breiðari merking.

Allar avgerðir hjá dómsnevndini eru endaligar.

Til ber at nýta ein klaverfylgispælara, sum er knýttur at kappingini. Hetta er ókeypis, men luttakararnir mugu rokna við, at venjingartíðin er avmarkað.

Luttakararnir kunnu eisini hava egnan klaverfylgispælara við fyri egna rokning.

Í teimum báðum yngstu aldursbólkunum, t.e. til og við 11 ár og 12–15 ár, ber eisini til at hava annað fylgispæl enn klaver.

Fylgispælið kann tó bert fevna um eitt ljóðføri afturat tí, sum luttakarin sjálvur spælir. Tað er tí ikki loyvt at luttaka við einum bólki.

Lærarin hjá luttakaranum kann hava fylgispælið í teimum báðum yngstu aldursbólkunum. Í teimum eldru aldursbólkunum kann lærarin hjá luttakaranum ikki vera partur av framførsluni.

Luttakarar syrgja sjálvir fyri gisting og møguligari ferðing í sambandi við kappingina.

Í sambandi við Stella Polaris-kappingina tilskilar Tórshavnar Musikkskúli sær rætt til at miðla myndir frá kappingini á miðlapallum skúlans, herundir heimasíðuni hjá Tórshavnar Musikkskúla, Facebook og Instagram.

Um ein luttakari, sum er 18 ár ella eldri, ikki ynskir, at myndir verða almannakunngjørdar, ella um foreldur/verji ikki ynskir, at myndir av einum luttakara undir 18 ár verða almannakunngjørdar, skal boð gevast Tórshavnar Musikkskúla á musikkskulin@torshavn.fo í seinasta lagi 24. februar 2027

Fyriskiparin hevur rætt til at gera upptøkur av framførslunum til nýtslu í útvarpi ella sjónvarpi uttan gjald til luttakararnar.

Fyriskipari av kappingini er Musikkskúlanevnd Tórshavnar Býráðs.

Avgreiðsluskrivstova er Tórshavnar Musikkskúli, Landavegur 84, Tórshavn.

Samskipari er:

Kristina Thede Johansen
Telefon: +298 916099
Teldupostur: kristinathedejohansen@gmail.com