👉 “Bert fyri verandi næmingar í Tórshavnar Musikkskúla.”

Í byrjanarstøði fáa næmingar sína fyrstu tilgongd til tey grundleggjandi byggiklossarnar í tónleiki – bæði í ljóði og skrift. Vit arbeiða m.a. við hesum:

• at áseta øll tónabil (interval) í nótamyndini upp til ein fimt (kvint)

• at kenna heiti á øllum tónabilum upp til ein áttind (oktav)

• at hoyra mun á dur og moll

• at hoyra mun á tónabilum sum stór/lítil tvíund (sekund) og tríund (terts)

• at syngja eitt stutt lag aftur, eftir at tað er spælt á klaveri

• at klappa eftir lættari rútmum

• at hoyra mun á trífjórðings- og fýrafjórðingstakti

• at skilja merkingar sum p, pp, ppp, mf, f, ff, fff, cresc. og dim.

Umframt tosa vit um tíðarskeið í tónleiki, orkestur og bólkar, og lurta eftir ymiskum tónleikadømum.