👉 Bert fyri verandi næmingar í Tórshavnar Musikkskúla.

Á miðstøði nema vit við nógv ymist í tónleiki. Vit arbeiða bæði við teori og hoyrilæru – tónabilum (interval), samljóðum (harmonilæru), jazz- og latínskum rútmum, klassiskum blaðsangi – og vit kanna eisini gjøllari eldri og nýggjari tónaskøld. Harumframt hyggja vit at, hvussu eitt orkestur er bygt upp.

Vit arbeiða m.a. við hesum:

• at hoyra øll tónabil upp til ein fimt.

• at kenna tónastig í dur og moll.

• at hoyra mun á dur- og moll-samljóðum.

• at kenna heiti og raðfylgju á tónleikaskeiðum frá renesansuni til modernismuna.

• at kenna nøvnini á fleiri tónasmiðum og seta teir í rætt tónleikaskeið.

• at læra kvintringina.

• at kenna ferðásetingar sum adagio, andante, allegro, vivace og ritardando, og hugtøk sum legato og staccato.

• at endurgeva rútmu- og lagagongd.

• at áseta tónaslag við tveimum forteknum.

• at áseta tónabil (interval) upp til eina áttund (oktav).

Harumframt:

• arbeiða vit við at áseta tónasløg upp til seks fortekin,

• kenna øll ljóðførini í einum symfoniorkestri,

• hoyra tónabil upp til ein tíggjund,

• og byrja at arbeiða við funktionsteori (T, S, D, Tp, Sp, Dp, bidominantar og vekslidominantar).