UVT Filter
Saksofon
Frálæra
Frálæran í saksofon er skipað sum einstaklingafrálæra, har næmingurin fær frálæru frá lærara í 30 minuttir um vikuna. Frálæran tekur støði í saksofonini sum solo-ljóðføri og er samskipað eftir eini námsætlan, sum hevur innbygd menningarstig.
Nótar
Næmingurin fær útvegað nótar frá læraranum / skúlanum.Samanspæl
So skjótt sum tað ber til, verður næmingurin settur í hóskandi samanspæl. Orkesturspæl er 60 minuttir um vikuna.
Konsertir o.a. virksemi
Partur av frálæruni og menningini av næminginum er at framføra solo ella í samanspælsbólkum. Roknast kann við nakað av konsertvirksemi um árið, men tað veldst um næmingin og menningarstøðið.
Støðumet
Einaferð um árið skulu allir næmingar á skúlanum til eina lítla roynd, har næmingurin spælir fyri læraranum og einum øðrum lærara og fær síðani eitt støðumet. Støðumetið er vanliga um várið.
Heim og skúli
Støðugt samskifti millum heim og skúla leggur góðar lunnar undir góða menning hjá næminginum. Umframt gerandisliga samskiftið millum lærara og foreldur eru eisini viðtalur; ein felags viðtala fyri øll foreldur við ársbyrjan og ein einstaklinga foreldraviðtala í sambandi við støðumetið um várið.
Aldur
Til ber at byrja at spæla á saksofon um 9-10 ára aldur.
Lán av ljóðføri
Til ber at lána saksofon frá skúlanum (fyrivarni verður tikið fyri, at ljóðføri er tøkt)
Prísir og reglur
Gev tónunum tín egna dám
Saksofonin kann ljóða mjúkt og heitt ella skarpt og kraftmikið. Við luftini, fingrunum og tínum egna úttrykki kanst tú geva somu melodi ymiskan dám.
Tú kanst spæla løg, royna teg fram og finna upp á tónar sjálvur. Í samanspæli lærir tú eisini at lurta og svara tí, hini spæla.
Lurta eftir, hvussu Eric Marienthal broytir klang og styrki í sínum spæli.
