Stella Polaris 2027
Tilmeldingin til Stella Polaris 2027 er opin. Melda til í seinasta lagi 15. november 2026.
Melda til Stella Polaris 2027 →
Stella Polaris verður hildin 24.–27. februar 2027 í Hátúni í Tórshavnar Musikkskúla. Kappingin er fyri ungar klassiskar tónleikarar, sum framføra væl fyrireikað tónleikaverk fyri áhoyrarum og einari dómsnevnd við fimm limum.
Endamálið er at styrkja og menna skapanargleðina hjá ungum tónleikarum og vísa fjølbroytnið í klassiskum tónleiki. Kappingin gevur luttakarunum høvi at royna seg, menna sínar førleikar og fáa íblástur til tónleikaleiðina.
Fýra aldursbólkar – fýra kappingardagar
- Bólkur 1: til og við 11 ár – mikudagin 24. februar 2027.
- Bólkur 2: 12–15 ár – hósdagin 25. februar 2027.
- Bólkur 3: 16–19 ár – fríggjadagin 26. februar 2027.
- Bólkur 4: 20–24 ár – leygardagin 27. februar 2027.
Les nærri um aldursmark, luttøku og onnur krøv í kappingartreytunum.
Soleiðis meldar tú til
Tilmeldingarfreistin er 15. november 2026. Tilmeldingin fer fram á heimasíðuni hjá Tórshavnar Musikkskúla.
Far til tilmeldingarblankettina →
Luttakarar í bólki 1, 2 og 3 skulu eisini upplýsa teldupostbústaðin hjá tónleikalæraranum í tilmeldingini.
Vinnarar gjøgnum árini
Fyrsta Stella Polaris-kappingin varð hildin í 2014. Millum vinnararnar í elsta aldursbólkinum eru:
- 2014: Mattias Kapnas – klaver.
- 2015: Alvi Joensen – gittar.
- 2017: Dávur Birgisson – gittar.
- 2019: Ernst Dánjalsson Remmel – trompet.
- 2021: Aksel Dánjalsson Remmel – klaver.
- 2023: Andrias Blaasvær – violin.
Stella Polaris hevur til endamáls at stuðla ungum tónleikarum og heiðra teir, sum eru komnir langt á tónleikaleiðini. Fleiri av vinnarunum og luttakarunum teljast í dag millum fremstu ungu tónleikafólkini í Norðurlondum.
Nærri kunning
Les um Stella Polaris og kappingartreytirnar →
Lærarar verða eggjaðir til at kunna næmingarnar um kappingina og hjálpa áhugaðum næmingum at fyrireika luttøkuna.