Skip to the content
Um ljóðførið

Fagottin er tað ljóðføri í træblásarafamiljuni, sum hevur djúpasta ljóðið. Tí hoyrir man fagottina ofta spæla eina bass stemmu, men eisini ber til at spæla vakrar tónar og solostykki á høgum tónum.Fagottin er mest kend í klassiska tónleikaheiminum, men kann brúkast í øllum tónleikasløgum.
Fagottin kann brúkast til alskyns samanspælshøpi, bæði í minni bólkum og stórum orkestrum.

Fagott

Frálæra 
Frálæran í fagott er skipað sum einstaklingafrálæra, har næmingurin fær frálæru frá lærara í 30 minuttir um vikuna. Frálæran tekur støði í fagottini sum solo-ljóðføri og er samskipað eftir eini námsæltan, sum hevur innbygd menningarstig.

Nótar
Næmingurin fær nótar útvegaðar frá læraranum / skúlanum.

Samanspæl 
So skjótt sum tað ber til, verður næmingurin settur í hóskandi samanspæl. Orkesturvenjing er 60 min. um vikuna.

Konsertir o.a. virksemi
Partur av frálæruni og menningini av næminginum er at framføra solo ella í samanspælsbólkum. Roknast kann við nakað av konsertvirksemi um árið, men tað velst um næmingin og menningarstøðið. 

Støðumet
Einaferð um árið skulu allir næmingar á skúlanum til eina lítla roynd, har næmingurin spælir fyri læraranum og einum øðrum lærara og fær síðani eitt støðumet. Støðumetið er vanliga um várið. 

Heim og Skúli
Støðugt samskifti millum heim og skúla leggur góðar lunnar undir góða menning hjá næminginum. Umframt gerandisliga samskiftið millum lærara og foreldur eru eisini viðtalur; ein felags viðtala fyri øll foreldur við ársbyrjan og ein einstaklinga foreldraviðtala í.s.v. støðumetið um várið. 

Aldur
Til ber at læra fagott um 10-12 ára aldur.

Lán av ljóðføri
Til ber at lána fagott frá skúlanum (fyrivarni verður tikið fyri, at ljóðføri er tøkt) 
 
Prísur og reglugerð
Leinkja til kunning um kostnað og reglugerð (uppmøting, avboð, sjúka, farloyvi etc.)

Melda til