Skip to the content
Um ljóðførið
Althornið er partur av messingblásarafamiljuni og messingljóðførini eru millum allar elstu ljóðføri, ið vit kenna til.
Upprunaliga vóru messingljóðføri bert eitt langt rør við einari klokku á endanum. Ljóðførini høvdu ongar ventilar og tískil var bert møguligt at spæla ávísar tónar. Seinni fingu messingljóðførini ventilar og hetta gjørdi tað møguligt at spæla nógv fleiri tónar.
Tað var Adolf Sax, sami maður, ið fann uppá saksofonirnar, ið bygdi fyrsta althornið uml 1840.  Klokkan á horninum peikur upp eftir, eins og á einari tuba, men er tó væl minni. Hornið er koniskt / viggskori og er stemma í Eb, í mun til eina kornett ella trompet, ið er stemma í Bb.
Ljóð kemur í hornið við at prutla ella surra við varrunum í eitt munnstykki, ið situr fremst í ljóðførinum.

Althorn

Frálæra
Frálæran í althorni er fyrst og fremst skipað sum einstaklingafrálæra, har næmingurin fær frálæru frá lærara í 30 minuttir um vikuna. Frálæran tekur støði í eini námsæltan, sum hevur innbygd menningarstig.

Nótar
Næmingurin fær nótar útvegaðar frá læraranum / skúlanum.

Samanspæl 
Fyri althornið er samanspæl í orkestri sera týdningarmikið. So skjótt sum til ber, verður næmingurin settur í samanspæl.

Konsertir o.a. virksemi
Partur av frálæruni og menningini av næminginum er at framføra bæði sum einstaklingur og í orkestrum og samanspælsbólkum. Roknast kann við nakað av konsertvirksemi um árið, men tað velst um næmingin og menningarstøðið.

Støðumet
Einaferð um árið skulu allir næmingar á skúlanum til eina lítla roynd, har næmingurin spælir fyri læraranum og einum øðrum lærara og fær síðani eitt støðumet. Støðumetið er vanliga um várið.

Heim og Skúli
Støðugt samskifti millum heim og skúla leggur góðar lunnar undir góða menning hjá næminginum. Umframt gerandisliga samskiftið millum lærara og foreldur eru eisini viðtalur; ein felags viðtala fyri øll foreldur við ársbyrjan og ein einstaklinga foreldraviðtala í.s.v. støðumetið um várið.

Aldur
Til ber at byrja at spæla althorn um 7-9 ára aldur.

Prísur og reglugerð
Leinkja til kunning um kostnað og reglugerð (uppmøting, avboð, sjúka, farloyvi etc.)

 

Melda til