Skip to the content

Suzuki violin

Frálæra
Frálæran í suzuki violin er fyrst og fremst skipað sum einstaklingafrálæra, har næmingurin fær frálæru frá lærara í 30 minuttir um vikuna. Suzuki violin er frálæra, sum byggir á violinfrálæru og námsfrøði hjá japanska Shinichi Suzuki.

Nótar
Næmingurin fær nótar útvegaðar frá læraranum / skúlanum.

Samanspæl 
Fyri violinnæmingin er samanspæl sera týdningarmikið. So skjótt sum til ber, luttekur næmingurin í suzuki samanspæli.

Konsertir o.a. virksemi
Partur av frálæruni og menningini av næminginum er at framføra í orkestrum og samanspælsbólkum. Roknast kann við nakað av konsertvirksemi um árið, men tað velst um næmingin og menningarstøðið.

Støðumet
Einaferð um árið skulu allir næmingar á skúlanum til eina lítla roynd, har næmingurin spælir fyri læraranum og einum øðrum lærara og fær síðani eitt støðumet. Støðumetið er vanliga um várið.

Heim og Skúli
Støðugt samskifti millum heim og skúla leggur góðar lunnar undir góða menning hjá næminginum. Umframt gerandisliga samskiftið millum lærara og foreldur eru eisini viðtalur; ein felags viðtala fyri øll foreldur við ársbyrjan og ein einstaklinga foreldraviðtala í.s.v. støðumetið um várið.

Aldur
Til ber at byrja at spæla suzuki violin um 5 ára aldur.

Prísur og reglugerð
Leinkja til kunning um kostnað og reglugerð (uppmøting, avboð, sjúka, farloyvi etc.)


Melda til