Skip to the content

Upptøkureglugerð

Her ber til at kunna seg um mannagongdir á Tórshavnar Musikkskúla, viðvíkjandi tilmelding o.ø.

STELLA POLARIS er tónleikakapping fyri ungar klassiskar tónleikarar. Kappingin varð á fyrsta sinni hildin februar 2014. Kappingin gevur rásarúm fyri menning hjá musikalskum evnaríkum ungum, ið spæla klassiskan tónleik. Við at seta sjóneykuna júst á hetta økið, ynskir kappingin at geva sítt íkast til føroyska mentanarlívið, at vísa evnaríkum ungdómum størri ans, at vera fyrimynd fyri onnur ung, at staðfesta skapanargleði, menning og dygd og at stimbra áhugan fyri klassiskum tónleiki sum heild.

Kappingin verður í døgunum 31 januar til 03 februar 2019.

Tónleikarar sum hava tilknýti til Føroyar, kunnu melda seg til kappingina, aldursmarkið er 24 ár. Tónleikarar mugu ikki vera fyltir 25 ár, tá kappingin verður hildin.
Kappast verður í trimum aldursbólkum:

  • Aldursbólkinum til og við 13 ár (luttakarar mugu ikki verða fyltir 14 ár, tá kappingin verður hildin)
  • Aldursbólkinum 14 til og við 18 ár (luttakarar mugu ikki verða fyltir 19 ár, tá kappingin verður hildin)
  • Aldursbólkinum 19 til og við 24 ár (luttakarar mugu ikki verða fyltir 25 ár, tá kappingin verður hildin)

Kappingin er skipað í tveimum umførum. Fyrra umfar er innleiðandi.

Í fyrra umfarinum spæla luttakararnir eitt ella fleiri stykki, sum sýna teknisku og musikalsku førleikar luttakarans. Í fyrra umfari spælir hvør luttakari tónleik, sum er 5-6 minuttir til longdar til samans.

Seinna umfar er finala. Hvør luttakari spælir tvey ella fleiri stykki, sum skulu vera ólík í lyndi og frá tveimum ella fleiri ymsum tíðarskeiðum. Í hesum umfari spælir hvør luttakari tónleik, sum er 12-15 minuttir til longdar til samans.

Bæði umførini verða skipað sum almenn tiltøk.
 Dómsnevndin velur, við støði í øllum luttakarunum, í mesta lagi 6 luttakarar at taka lut í finaluumfarinum (seinna umfari).

Tað stendur til tann einstaka luttakaran, um hon/hann velur at spæla við nótum ella ei.

Tilmelding til Stella Polaris kappingina.

Tilmelding til Stella Polaris kappingina er av.

Freisten var úti tann 1. november 2018 kl. 23.59.

Hesar virðislønir verða latnar:

Serligar virðislønir í aldursbólkinum til og við 13 ár:

  • 1. virðisløn DKK 3.000,-
  • 2. virðisløn DKK 2.000,-
  • 3. virðisløn DKK 1.000,-

Serligar virðislønir í aldursbólkinum 14 til og við 18 ár:

  • 1. virðisløn DKK 4.000,-
  • 2. virðisløn DKK 3.000,-
  • 3. virðisløn DKK 2.000,-

Í finaluni (seinna umfari):

  • 1. virðisløn DKK 20.000,-
  • 2. virðisløn DKK 10.000,-
  • 3. virðisløn DKK 5.000,-

Aðrir luttakarar, sum koma í finaluna fáa virðisløn áljóðandi DKK 3.000,-.

Allir luttakarar fáa eitt luttøkubræv (diplom), sum váttar, at teir hava tikið lut í kappingini Stella Polaris.
Tann, sum hevur vunnið 1. virðisløn í øðrum umfari (finaluni), kann ikki taka lut í kappingini aftur.

Í dómsnevndini eru 5 limir: ein útlendskur dómsnevndarformaður, eitt umboð fyri Føroya Symfoniorkestur, eitt umboð fyri áhoyrarar, eitt umboð fyri Tórshavnar Musikkskúla og eitt umboð fyri tónleikagreinina í breiðari merking.

Allar avgerðir hjá dómsnevndini eru endaligar.

Luttakararnir kunnu hava egnan klaverleikara. Til ber eisini at nýta ein klaverleikara, sum er knýttur at kappingini. Hetta tilboð er ókeypis, men luttakararnir mugu rokna við avmarkaðari venjingartíð.

Luttakarar syrgja sjálvir fyri gisting og møguligari ferðing í sambandi við kappingina.

Fyriskiparin hevur rætt til at gera upptøku av framførslunum til útvarps- ella sjónvarpsnýtslu uttan at veita luttakarum gjald fyri tað.

Fyriskipari av kappingini er Musikkskúlanevnd Tórshavnar Býráðs V/ Maluni Thomsen forkvinnu
.

Avgreiðslu skrivstova er Tórshavnar Musikkskúli, Frúutrøð 1, Tórshavn.

Tilmeldingargjald á 200 kr verður at gjalda á konto 9181 – 398.282.5 í Betri Banka – Viðmerkja navn á luttakara.