Menn títt talent

Musikkskúla miðnám er ein 3-ára útbúgving, sum Tórshavnar Musikkskúli bjóðar út. Musikkskúla Miðnám er fyri teg, sum hevur áhuga í tónleiki og vilt menna tíni tónleikaligu evni, bæði í at framføra og skapa tónleik.

Útbúgvingin er bygd upp við bæði verkligum og ástøðiligum lærugreinum, og gevur tær neyðugu førleikarnar og vitanina til at fara víðari í tónleikaheiminum, antin til hægri tónleikaútbúgving ella sum tónleikari. 

Í útbúgvingini verður tú førleikamentur í at arbeiða við tínum høvuðsljóðføri, í samspæli við onnur og í skapandi tónlistaligum virksemi.

Eftir loknan lestur, ert tú búgvin at søkja inn á hægri tónleikaútbúgvingar og at luttaka aktivt í tónleikalívinum, bæði í Føroyum og uttanlands. 

Tá tú gongur á Musikkskúla Miðnámi, kanst tú vænta eitt úrval av verkligum og ástøðilgum lærugreinum.

Tú fært frálæru tvær ferðir um vikuna. Undirvísingin fylgir fólkaskúlans kalendara. 

Frálæran fer í allarstórstan mun fram í Tórshavnar Musikkskúla

Tú kanst sameina frálæruna við aðra skúlagongd ella lættari yrkisarbeiði.

Undanskeiðið er ætlað tær, sum hevur áhuga í at byrja í Musikkskúla Miðnámi, men sum hevur tørv á eyka fyrireiking áðrenn upptøkuroyndina.

Um tú droymir um at gerast næmingur á Musikkskúla Miðnámi, og ynskir at styrkja tína fyrireiking til upptøkuroyndina, kanst tú søkja inn á okkara serliga undankeið.

Um tú longu ert næmingur í Tórshavnar Musikkskúla, fevnir undanskeiðið um víðkaða undirvísing í tínum høvuðsljóðføri, umframt undirvísing í tónleikaástøði og hoyrilæru í bólki.

Er tú næmingur í einum øðrum musikkskúla enn Tórshavnar Musikkskúla, so inniber undankeiðið bert frálæru í tónleikaástøði og hoyrilæru í bólki. Tín vanliga undirvísing í høvuðsljóðføri heldur fram í tínum lokala musikkskúla.