Jólahugni í Bringsnagøtu
Musikkskúlin luttekur í jólahugnanum, ið er uppi á Reyni í Havn.
Øll Bringsnagøta er jólaskrýdd og næmingar úr Musikkskúlanum framføra hvønn seinnapart frá kl. 16.00 til 17.00 í Pæsastovu.
Pæsastova er gamla húsið, ið liggur yvirav handlinum hjá Katrinu Christiansen, har ið handlast kann aftur í jólamánaðinum.
Pæsastova verður roknað eitt hitt elsta sethúsið í Tórshavn. M.a. Jens Chr. Svabo búði har og verður húsið nú nýtt til ymisk mentanar- og tónleikatiltøk.
Nú er so jólahugni hvønn seinnapart kl. 16.00 til 17.00
Øll eru hjartaliga vælkomin at støkka inn á gólvið. Tónleikafelagið Mentón skipar fyri hugnakonsertunum og okkurt lætt og leskiligt verður bjóðað.
Hósdag 15. desember kl. 16.00: Else Maria Dam, floyta - Maria Olsen, gittar
Fríggjadag 16. desember kl. 16.00: Dávur Davidsen og Maria Olsen, gittar
