Rúni Hentze, sum er næmingur í Musikskúlamiðnámi í Tórshavnar musikkskúla spældi seg í gjár 20.
mars til eitt finalupláss í donsku/svensku kappingini fyri ungar klassiskar tónleikarar nevnd Øresundssolist.
Rúni Hentze fekk 2. Virðisløn, sum er ein framúr avrik fyri ein so ungan tónleikaranæming.
Prestisjukappingin Øresundssolist www.oresunds-solist.com , hevur eitt høgt musikalskt mál og strembar
eftir at gerast ein av leiðandi tónleikakappingunum fyri ung í Skandinaviu.
Vinnararnir fáa tilboð um framførslur í landspørtum kring Oyrasund, og nakrir verða skotin upp til at luttaka í
“Spil for livet” kappingini, sum DR TV skipar fyri. Det er sostatt ein sera umráðandi pallur fyri ungu tónleikarnar,
tí í finaluni eru fleiri talentleitarar millum áhoyrararnar.
Rúni Hentze hevur vunnið nærum alt sum vinnast kann(talentvirðislønina og gullmerkið) í Berlingske Tidendes
Klassiske Musikkkonkurence. Saman við lærara sínum Kenneth Jones gongur Rúni nýggjar leiðir,
og tað hevur eydnast so væl, at dómararnir í gjár heittu á hann um at luttaka aftur komandi ár.
Fyri at geva miðlunum møguleika at hitta glaða vinnaran, bjóðar Tórshavnar musikkskúli til
tíðindafundar í morgin týsdag 22. mars kl. 15.00 í musikkskúlanum á Frúutrøð.
