Undanskeið
- Næmingar á Musikkskúlanum, ið vísa serlig evni, kunnu eftir avtalu við leiðslu, foreldur og ljóðførislærara, fáa serstakt undanskeið, so næmingurin verður fyrireikaður til upptøkuroyndina á Miðnám.
- Skeiðið kann innihalda økta undirvísing í høvuðsljóðførinum og hjálærugreinum.
- Lærarin meldar næmingin til hjá samskiparanum og er freistin at tekna seg til luttøku á undanskeiðnum 15. desember 2011.
- Tað kostar einki eyka at ganga á Undanskeiðinum. Um næmingur, ið ikki frammanundan er næmingur á skúlanum, verður tikin inn á Undanskeiðið, er kostnaðurin kr. 400,- fyri skeiðið, ið vanliga er frá hálvum januar og til mai mánaða.
- Hetta tilboð er fyrst og fremst eitt tilboð til næmingar á Tórshavn Musikkskúla, men avtala kann gerast við samskipara og leiðslu, um næmingur av bygd ætlar at royna hetta tilboð.
